Кристиано Рональдо олсон мөнгөө юунд үрдэг вэ?

Кристиано Рональдо (Cristiano Ronaldо)-г мэдэхгүй хүн үгүй. Түүний "Real Madrid"-тай хийсэн хэдэн арван сая долларын гэрээ нь спортын ертөнцийн хамгийн том тохиролцоонуудын нэг болсон билээ. Тэгвэл "Forbes" сэтгүүлээс гаргасан 2018 оны хамгийн өндөр орлоготой тамирчдын жагсаалтын гуравт нэрлэгдсэн эрхэм өөрийн хөдөлмөрөөр олсон мөнгөө хэрхэн үрж байгаа болон түүнээсээ ч илүүг хэрхэн олдог талаар та бүхэнд хүргэе. 

Тэр өнгөрсөн 12 сард 108 сая ам.долларын ашигтай ажилласан гэж  "Forbes" сэтгүүл мэдээлсэн.

Үүний 47 сая ам.долларыг "Tag Heuer", "Herbalife", болон "Nike"-ийн зар сурталчилгааны гэрээнээс олжээ.

Түүний "Nike"-тай хийсэн шинэ гэрээнд үлдсэн амьдралынх нь турш жил бүр 19 сая евро өгөхөөр тусгасан байдаг. Энэ нь Рональдо 73 хүрэх үедээ нийт 800 сая евро буюу нэг тэрбум ам.доллар "Nike"-аас авсан байна гэсэн үг юм.

Кристиано Рональдо мөн "Castrol", "Samsung", "KFC" гэсэн компаниудтай ч гэрээтэй ажилладаг.

Тэрээр инстаграмд 130 сая, фэйсбүүкд 122 сая, твиттерт 72 сая дагагчтай.

"Real Madrid"-ын түүнд өгдөг 61 сая ам.доллар (46 сая евро)-ын цалин болон цалингийн нэмэгдлүүд нь зар сурталчилгаатай харьцуулашгүй том гэрээ юм.

Хэрэв өөр баг түүнийг авахаар болбол "Real Madrid"-д нэг тэрбум ам.доллар төлөх ёстой гэнэ. Тэгвэл алдарт хөлбөмбөгчин залуу энэ бүх мөнгөө хэрхэн үрдэг вэ?

Рональдогийн хамгийн том сонирхол нь машин юм. Тэр зурагт үзүүлсэн "Maserati"-гаасаа гадна 300 мянган ам.долларын "Lamborghini Aventador" унадаг.

Мөн түүнд "Bentley", "Porsche", "Mercedes" загварын машинууд ч бий.

Рональдо машинууддаа тийм ч гамтай ханддаггүй. Тэр 320 мянган ам.долларын үнэтэй "Ferrari"-гаа 2009 онд хэрхэн сэг болгосныг доорх зургаас харна уу.

Тэрээр архитектурч Иохан Торрэс (Joaquin Torres)-ын барьсан 7.1 сая ам долларын үнэтэй Мадрид дахь эдлэнд амьдардаг.

Үнэхээр сайхан эдлэн шүү.

Бүр солиотой гоё ч гэж хэлж болно.

Мөн түүнд Манхэттений "Trump Tower"-д байрлах 18.5 сая ам.долларын байр ч байгаа.

Тэрээр өөрийн төрсөн хот Португалийн Мадейрад хөл бөмбөгийн сэдэвтэй дотоод заслаар тохижуулсан зочид буудал нээсэн.

Тэр "Jacob and Co" брэндийн 160 мянган ам.долларын үнэтэй цаг зүүдэг. Энэ нь тус компанитай хийсэн зар сурталчилгааны гэрээтэй холбоотой.

Рональдод өөрийг нь дууриан хийсэн лааны тосон баримал маш их таалагдаж 30 мянган ам.доллараар дахиад нэгийг хийлгэж байжээ.

Лааны тосон баримлын анхны хувилбар нь "Madrid's Museum of Wax"-д байдаг билээ. Рональдо баримлын үсний хэлбэрт маш их анхаарч сар бүр музей рүү үсчин явуулдаг гэнэ. Түүний гэрт байх дууриамал хувилбар ч мөн адил уг үйлчилгээг авдаг аж.

Түүний нэр алдар хувийн амьдралыг нь олны сонирхлын төвд авчирдаг. Тэрээр Ирина Шейктэй үерхэж байсныг хүн бүр мэддэг.

Оросын хамгийн халуухан модел, жүжигчин Ирина Шейк шүү дээ.

Тэд таван жил үерхсэний эцэст 2015 оны нэгдүгээр сард тус тусын замыг хөөсөн юм.

Одоо Рональдо Жеоржина Родригез (Georgina Rodriguez)-тэй хамт амьдарч байгаа.

 Тэд 2017 оны арваннэгдүгээр сард Алана Мартина охиноо өлгийдөж авсан. Ингэснээр Рональдо дөрвөн хүүхдийн эцэг болсон юм.

Жеоржина Родригез "ДАШТ-2018"-ын үеэр гялалзсан том бөгжөөрөө олны нүдийг хужирласан нь тэднийг сүй тавьсан гэх цууг дэгдээсэн.

Рональдо хамгийн загварлаг тамирчдын нэг юм.

Рональдо "Armani" брэндийн модел болж байсан.

Харин одоо тэрээр өөрийн "CR7" брэндийг үүсгэн байгуулсан. Уг брэнд нь хөлбөмбөгийн гутал, жийнсэн өмд, дотуур хувцас болон үнэртэй ус үйлдвэрлэдэг байна.

Рональдо "Kрио эмчилгээ" (cryotherapy)-г хийлгэх дуртай. Энэ нь биеийн хэмийг -264 хэмд хүртэл буулгаж булчинг сэргээх эмчилгээ аж.

Тэр бүх сурталчилгаандаа секси, царайлаг гардаггүй. Израилийн харилцаа холбооны нэгэн компанийн этгээд сурталчилгаанд ч тоглосон байдаг.

Италийн үл хөдлөхийн салбарын алдарт агент Алессандро Прото (Alessandro Proto)-гийн амьдралаас сэдэвлэсэн кинонд түүнийг тоглуулахгүйн тулд 22 сая ам.доллар Рональдод төлж байжээ.

Түүний царайлаг төрх өрсөлдөгч багийн фанатуудад хэзээ ч таалагдаж байгаагүй. "Би баян, царайлаг, мундаг тоглогч учир хүмүүс надад атаархаж байгаа бололтой. Тэдний үйлдэлд надад өөр тайлбар алга" гэж "The Guardian"-тай хийсэн ярилцлагадаа хэлж байжээ.

Гэхдээ тэр ч бас хүн шүү дээ. "The Ballon d'Or" хөлбөмбөгийн шагналыг 2014 онд хүртэх үедээ Рональдо нулимс дуслуулж байсан юм.

Тэр олон сайн үйлсийн ажил хийж, их хэмжээний мөнгийг харамгүй хандивладаг. Тодруулбал, 165 мянган ам.долларыг Португалийн хавдрын төвд, 83 мянган ам.долларыг 10 настай хөвгүүний тархины хагалгаанд хандивлаж байжээ.

Сайн үйлсээ үргэлжлүүлээд байгаарай Рональдо.