Лионель Мессигийн 31 насны төрсөн өдөр өчигдөр нижгэр болж өнгөрөв. Гэвч төрсөн өдрөө тэмдэглэх таатай шалтгаан түүнд байсангүй. Учир нь Аргентиний шигшээ баг Исландтай тэнцэж, Хорватад хожигдон, хоёр тоглолтын дараа ердөө ганцхан оноотой байгаа бөгөөд хэсгээсээ гарах эсэх нь ч тун эргэлзээтэй байгаа билээ. Гэсэн ч дэлхийн номер нэг хөлбөмбөгчний төрсөн өдөрт барьсан сюрприз олны анхаарлыг татахгүй байж чадсангүй.
1Төрсөн өдрөөс илүү дараагийн тоглолт түүнд чухал
Месси багийнхныхаа хамтаар Москвагийн ойролцоох амралтын баазад байрлан, удахгүй Нигертэй тоглох шийдвэрлэх тоглолтондоо илүү анхаарал төвлөрүүлэхээр хичээж байгаа талаар эх сурвалжууд мэдээллээ. Түүнд үнэндээ төрсөн өдрөөс илүү дараагийн тоглолт чухал гэдэг нь аргагүй.
2Хүслээ шивнэх мөч
Гэсэн хэдий ч Аргентиний шигшээ багийнхан нь түүнд төрсөн өдрөөр нь бялуу бэлэглэж, хүслээ шивнэх лаа үлээлгэсэн бол энэ өдөр түүнийг бас нэгэн сюрприз хүлээж байсан юм.
3Оросуудын барьсан сюрприз
Алдарт хөлбөмбөгчинд зориулан Москвагийн нарийн боовны мастерууд 60 кг жинтэй тун өвөрмөц шоколадан бялуу урласан байна. Мессиг дуурайлган хийсэн бялууны өндөр нь хөлбөмбөгчний өндөртэй ижил бол жин нь түүний биеийн жингээс 12 кг-аар бага юм байна.
4Бялуугаар урласан Лионель Месси
Бялуугаа Мессигийн төлөөлөгчөөр дамжуулан бэлтгэлийн бааз руу нь хүргүүлжээ.
Дашрамд дуулгахад, Лионель Месси 1987 оны зургадугаар сарын 24-нд Аргентиний Росарио хотод төржээ. Тэрбээр Италийн цагаач гэр бүлээс гаралтай. Эцэг Хорхе Орасио Месси ган хайлуулах үйлдвэрийн ажилчин, ээж Мария Месси нь жирийн нэгэн цэвэрлэгч байжээ. Лионель Месси эцэг эхээс дөрвүүлээ, хоёр ах, нэг эгчтэй.
5Энэтхэгчүүдийн түүнд барьсан бэлэг
Энэтхэгийн Каннур (Kannur) хотын иргэд энэ өдөр хайртай хөлбөмбөгчнийхөө төрсөн өдөрт бэлэг болгож, Мессигийн толгойн баримлыг урлаж, түүнд сюрприз барьсан талаараа цахим ертөнцөд зарласан байна.
6Гурван хүүгийн аав
Тэрбээр таван настайгаасаа эхлэн эцэг Хорхегийн дасгалжуулдаг “Грандоли” хөлбөмбөгийн клубт хичээллэж эхэлсэн байна. Харин 1995 оноос мэргэжлийн клубт тоглох болсон аж. Месси гурван хүүтэй бөгөөд хамгийн том нь зургаан настай бол бага хүү нь энэ онд мэндэлжээ.
Post a Comment